وش لي بطريق"ن" شاق أخترت أمشيه

لا النــــــول يكفـــــي ولا البنــــادر قريبه

مآنـــي مع إللـــي يخلـــط الكِبـــر بالتيـه

ولآنـــي مــن إللي يجلبــــون المصيـــبه

وان شفـــت جاهــل قـلت: يــارب يشفيه

أستــــر عليه وقلـــت : يكفيـــه عيبـــه

أمــا خيـــار القــوم أنّعــم بهــا وجّيـــــه

مثـــــل العتــــاق السابقــــات النجيبـــه

إللــي عطانـــي الصــدق بالعــون أعطيه

وللــي عطـــاني الحــــب قلـــبي أجيــــبه

أمــــا الــذي شهريـــن أذكـــره وأنسيــه

لاهـــو بحبيـــب القلـــب ولآنــي حبيــبه

جّمعـــت مـــن كــــل البلاديــــن بوكيـــه

وأهــديتهــا لعيــــون سلمـــى ضـــريبه

ضـــريبـــة النظـــرات لــو يــوم تنسيه

وضـــريبتــي لو قلـــت غيــــرك حبيبه

قلبـــــــــي المحــــــــــامي

أيا من لامني من غيـــــــر حجـــــه
تريـــث وأستمع قلبي المحـــــأمي

بدون أسبــاب قد سويت ضجـــــه
وإسلوبك معــــي كالنار حـــــــامي

يقول القــلب أنا حسيــت رجــــه
تســاقط منها هيـكل عظـــــامي

أنا يــا ناس مـــافضــلت نهجــــه
ولا قـــد نـال نقطــه بإهتمـــامي

تقــدم لي وبادرني بهـــــــرجــه
وأستفـــرد لنفســـه بإحتـــرامي

وصــرت أعيــش بلا نبض"ن ومهجــه
تـــراودني كــوابيــس المنــــــامي

بنيــت البــرج درجــه فوق درجــه
وهــو كـــان يخطــط لإنقســــامي

فلمــا أكتمــل بالعــرض شجــه
وعلا الصـــوت بأصنــاف المـــلامي

وســافر في خيــاله ليـــن طنجــه
وعــدى الشام وكان الشام شــامي

وفي قــزوين كـــان البحــر لجــه
تكفـــل بالحبيـــب المستــــهامي

إذا الفــــارس تمطـــى فــوق ســرجه
تنــاسى موجعــه والجــرح دامـــي

وإذا الــربان أغفــل خـــط لنجــه
خذاه المـــوج إلى بحــــر الظــلامي

تغلــق في عيـــونه كــل فجـــه
وضــاع الــدرب على إثــر المــرامي

رســى فـوق الشواطيء ظــل غنجــه
وبحــر الحـــب يـــزفـــر مــن غــــرامي

وجـــانـا العيـــد يحمــل كــل بهــجه
ســــرقها ذالــك الشخــص الحـــرامي

عشــــــــــــق مــــــــــــــــــــرباط

وش لي بلندن وعاصمة الغرب برلين

والا بطـــوكيو ولو يقــولوا حضــاره

ودي مدينــة تشـرح النفــس والعيـن

ويطيــب فيها القلــب وتهــدأ المراره

لعيــونها بأســوق حمــر البعــــارين

ومــن أجلها شنـــيت ع الناس غـاره

حنــا سهــام المــوت حنا المــــداوين

حنـا ظمــأ العطشــان حنـا النمـــــاره

ولعيــون مربــاط المعــزه عنــــاوين

نلــنا المـــراتب وأحتكـــرنا الصــداره

تاريــخ ما هـــو بالقصــص والدواوين

بالـــدم سـُـطـــر فــي ملاحم جســاره

لمــا المنادي صــاح جيــنا ملبـــين

هاماتنــا فـــوق السحايــب منــاره

وسيــوفنا مــا هــي بيـــد المغنــين

نهــزها في وجــه سلـوى وســـاره

بــل هي مع الاحرار في نصرة الدين

والا خـــوي مضيــوم حنــا شعــــاره

يا مــربط الأمجاد صيتـك وصل وين

كإنـــك ع المريـــخ صرتــي مــداره

أعشقـــك يا مربــاط وعشقي ترى دين

حبــك سكــن ف القلــب في كل حــاره

لــم يوسعــــه قلبــي وركبـّـت قلبــين

هـــــذا يضــخ الحــب وهــذا مســاره

يعيـــش هذا الشــرق وإنتــي تعيشــين

يـــا إبنـــة الشـــرق المتــوج إمــــاره

لاحــــد يلــوم القـــول والهـرج بعديـــن

شاعــر مدح أرضــه وماهـــي خســاره

الدور البطـــــــــــــولي

تمنيتك معي في كل خطوه **** وكل مشوار تمشي له رجولي

وماقصدي بتعبك بس منوه **** منايا يكون حسي دوم حولي

أيا اجمل نغم في حس عنوه *** واجمل بوح ترجمته بقولي

خذيتي القلب طوعا او بعنوه *** تملكتي المشاعر في ميولي

وإذا في يوم حسيتي بهفوه *** فحذرك بس يعلمها عذولي

يكيدوا لي مكائدهم بقوه *** يريدوا ياخروا لحظة وصولي

عليهم ما دعى الداعي بدعوه **** تدمرهم كما الجيش المغولي

لجيش العشق ع العشاق سطوه *** وشرع الحب له قانون دولي

كذب من قال بأن الحب نزوه *** ولا هو مزاج للفكر الطفولي

أفصل من شجوني خير كسوه *** نسيج الذات اما النول نولي

إذا غيري وقف قدام كبوه *** فانا عديت وتشهد لي خيولي

لأجل الحب دعتني اليوم نخوه *** أمامي الريف ومن بعده سهولي

أيا عمري وأغلى كنز ثروه *** عطيتك عهد وأنا إبن الأصولي

معاكي الوضع مايحتاج قسوه *** ولا تفسير من واحد فضولي

أنا وانتي نغيش أوقات حلوه *** لوحدك مآخذه الدور البطولي

                          .....آخــــــــــــــر حروب الكرامه.......

يا سلام الله دايم للي في قلبي حضوره*** نكد الخاطر بذكره وأنتهى وقت المنامي

لاجل عينه صرت شاعر مبتهج لما أزوره *** واكتم الغصه بصدري لو أشوفه في الزحامي

آه من لعب المشاعر آه من نظرات نوره *** بعثرت كلما تبقى بين جسمي والعظامي

وجعي ما يعرف قواعد لا ولا توقيت دوره *** طالما متعوب منه خاطري والقلب دامي

يا أمين السر ليتك لو تعاين في أموره *** منشغل فكري مشتت بين حبي وإنتقامي

في الليالي بت وحدي في خيالي بس صوره *** من هدم حلمي بيده ومن تلذذ بإنهزامي

إنتفض جرحي المكابر واعتمد للحب ثوره *** ضد من دمر عواطف عمرها يادوب نامي

والهبت ناري ضلوعي وأشعلت ف الصدر فوره** آخر حروب الكرامه بين ياسي وإحترامي,

دوم ياقلبي توجع والألم معروف طوره *** ما هو وجعي من جراحي أو هواجس في ظلامي

بل هو من عين الملامه حطمت قلبي شعوره *** يوم ما ناظرت وجه وصار محبوبي امامي

الليــــــــل

الليل صحى شجوني في خواطرها ***

ينبش بنفسي خوافي وهي مدفونه.

ذكرى قديمة وجتني في سوالفها ***

ما كنت ناقص ياجرحي نفس محزونه.

أطلالحب"ن تفرق في مساكلها ***

يامبعد الدار وحظ إللي بيلفونه .

أرض"ن تربى شويقي في مرابعها ***

الدار داري وعارف من يحلونه.

ما كنت أطمع ولا لي في منافعها ***

ما غير ود"ن عهوده عندي مضمونه.

بس العواذل أثاروا في مسامعها ***

كذبه وكذبه وكلها عكس قانونه .

قالوا : محمد تلاعب في مشاعرها ***

كل يوم وحده وكل الخلق يدرونه .

شاعر نثر قصيده في محاسنها ***

والشعر مفهوم للي دوم يقرونه.

مره بسلمى ونورا ومره يخفيها ***

والعشق يظهر بنظره وحِدّة عيونه.

لو كان صادق بحبه بايوصفها ***

أو كان بالشعر لمح لمّـــا يدعونه.

النفس قامت وثارت في لواعجها ***

وأفكار بالي عليهم حيل مشحونه.

راجعت نفسي تهدي من وساوسها ***

والنفس بأخلاق طبعي فيني مرهونه.

وكتبت لأجل الحبيبه في مراسلها ***

العمر كله حياتي فيكي مجنونه.