ياليتك تفهمي خوفي وشوقي

وليتك تسمعيني للنهايه@

إذا جيتك وإحساسي سبوقي

ومهما عطيت ما قلتي كفايه@

أخيط الثوب من وجدان ذوقي

وأفصل من معاناتي عبايه@

تغطي ما تبقى من عروقي

وتفضح من يروج لدعايه@

ثقيل الهم حملته دوم فوقي

كإنه وريث منتظر الوصايه@

إذا دمعي تحجر وسط موقي

فقد أبكيت صفحات الروايه@

وإذا كثرت علي أسباب عوقي

فكم أشخاص نالوا  من دفايه@

ألا يانفس حدك بس روقي

وإرمي ما يضايقكي ورايه@

أنوخ ف المحطه كل نوقي

وأدعو الله ربي بالهدايه@

΅°{}  خواتيم الأماني {}·°°

جبرني الشوق والإحساس زائد

وكل مرة مع نفسي أعيده@

وأبني من مساراته مباني

تطاول هذه القمه البعيده@

أعاني وكم أعاني من مواجع

وأنثرها على صفحة جريده@

وأعلن للملا قصة هوانا

بلا تزييف حقائقها أكيده@

ألا ياشوق تلطف بالحنايا

وحزني بوسط صدري لاتزيده@

أبيح السر للعين الكحيله

وكل ما كان أنا فعلا أريده@

تماتم حب خافت يافتاتي

يعاندني وأنا نفسي عنيده@

يغير لي مسارات المشاعر

ويحمل لي بقايا من بريده@

وعبق الأمس ذكرني حكاوي

خواتيم الأماني ف القصيده@

أجيها وكل مافيني محبه

وتترك نفسي الثكلى وحيده@

وتتكسر مرآيا أمنياتي

وتهدم حلم بالعيشه السعيده@

على شاطئ التنكر والتجافي

تموت أزهار يخنقها جليده@

وتتهاوى صور من ذكرياتي

وكنت أظنها طاحت شهيده@

العمر كله........

أبنتظر رغم الليالي الطويلات

ساهر ولا رفت من الشوق عيني@

فيني بوادر عشق فيني مجالات

لو غادرتني يوم ترجع تجيني@

طوقتها بالحب رغم المسافات

وأسكنتها أقصى مرابع يميني@

ليلة خميس أرسلت مني تحيات

من قلب شاعر عالمحبه أميني@

أقول لها مرحب وحيا سلامات

ياملهمة كامل مشاعر ضنيني@

الحب عندي ما مجرد شعارات

ولا كان ف الأسواق إنتاج صيني@

رهنت له ودي وشوقي ضمانات

وأعطيت له ماكان مذخور فيني@

لو حب غيري صار من دون إثبات

فــــأنا أقـــــول الحب كله يقـــيني @

العمر كله وباقي العمر لو فات

ما هي خسارة لو تعدي سنيني@

الحـــــــــب الظفاري

هيهات أحلم أو فؤادي يفكر

إنه بيعجب بوحده غيرك ساعه@

إنتي الهواء والماء وإنتي أكثر

معاكي أجهل إنه فيني قناعه@

لما أشوفك أحس عيني تبصر

وإن ما رأيتك مشاعري نزاعه @

مابالك إنتي إذا لبستي أحمر

يبدأ جنوني ويرتفع إيقاعه @

ويظهر جموحي يقتلع ويكسر

عشان هذا يوصله لإمتاعه @

والصوت ويلي كل حواسي خدر

والقلب طافي كإنه فقاعه @

يمكن بصبعك تلمسيه يتفجر

ويمكن برقة تعرفي إبداعه@

دكتور مرة قال قلبك أخضر

وعشان يتأكد عملي إشاعه @

شاف الفؤاد وكيف إنه يزفر

والحب شيد في ضلوعي قاعه@

ثم تبسم فقلت يأخي بشر

عادك تريد تحط لي سماعه؟@

قلي بصراحة فيك شي محير

حتى ضلوعك كلها لماعه @

فقلت تسمح ياعزيزي أفسر

الدم هو الدم بكل أنواعه @

لكن قلبي مستحيل يتغير

هو المخطط وأنا من أتباعه@

واللون هذا لون ديرة  مظفر

لون الطبيعة مآخذه أطباعه@

حبي ظفاري ماهجيته يخسر

والحب شرع ف الهوى بشراعه@

آسف لعدم التنسيق حاليا...لاحقا بان الله

يأهل الطناخه والحميه والكلف
مزونهم ترعد بزخات الرصاص@

يطوقون الخصم يحطونه بكف
لاعاد له مهرب ولا له من مناص@

رياحهم صرصر إذا الموعد أزف
فوق الظوامر زينها ذيك القلاص@

ياحاملين الحق وأحكام الشرف
والجاني مهماكان يخضع للقصاص@

يوم التلاقي ماهدأ جفني ورف
أبتان منهو عام ومنهو وضع خاص@

حتى القوافي بالمشاعر تلتحف
تعمل كمائن جاهزه للإقتناص@

لما بدا لي الفكر طاروقه عصف
أسكت كل راوي وكل شاعر و قاص@

عندي كند ترمي على أبعد هدف
أحطها بين الحواجب والنواص@

تمنيتك معي في كل خطوه *** وكل مشوار تمشي له رجولي

وما قصدي بتعبك بس منوه *** مناي يكون حسك دوم حولي

أيا أجمل نغم في حس غنوه *** وأجمل بــوح ترجمته بقولي

خذيتي القلب طوعا أو بعنوه *** تملكتي المشاعر في ميولي

وإذا في يوم حسيتي بهفوه *** فحــذرك بس يعلمها عــــذولي

يكيدوا لي مكائدهم بقوه *** يريدوا يأخـــروا لحظـــة وصولي

عليهم ما دعى الداعي بدعوه *** تدمرهم كما الجيش المغولي

معاكي الوضع ما يحتاج قسوه *** ولا تفسير من واحد فضولي

أنا وأنتي نعيش أوقات حلوه *** لوحدك مآخذه الدور البطولي