أبنتظر رغم الليالي الطويلات
ساهر ولا رفت من الشوق عيني@
فيني بوادر عشق فيني مجالات
لو غادرتني يوم ترجع تجيني@
طوقتها بالحب رغم المسافات
وأسكنتها أقصى مرابع يميني@
ليلة خميس أرسلت مني تحيات
من قلب شاعر عالمحبه أميني@
أقول لها مرحب وحيا سلامات
ياملهمة كامل مشاعر ضنيني@
الحب عندي ما مجرد شعارات
ولا كان ف الأسواق إنتاج صيني@
رهنت له ودي وشوقي ضمانات
وأعطيت له ماكان مذخور فيني@
لو حب غيري صار من دون إثبات
فــــأنا أقـــــول الحب كله يقـــيني @
العمر كله وباقي العمر لو فات
ما هي خسارة لو تعدي سنيني@
ليست هناك تعليقات:
إرسال تعليق